ᐃᓚᒌᓴᖅ ᐱᑦᓱᒍ
ᐱᐅᓯᐅᓯᒪᔪᑦ ᐃᓚᒌᓴᕐᒥ
ᓯᕗᓪᓕᐸᐅᔪᖅ ‘’ᐃᓯᑭᒨ’’ ᑯᐊᐸ ᑲᓇᑕᒥ ᓄᐃᑕᐅᔪᕕᓂᖅ ᐃᓄᖏᓐᓄᑦ ᑲᖏᕐᓱᐊᓗᑦᔪᐊᑉ 1959 ᒍᑎᓪᓗᒍ.
ᐱᑎᑕᐅᔪᕕᓃᑦ ᐊᑦᑕᑐᐊᒥᒃ $12,500 ᓂᒃ ᑲᕙᒪᑐᖃᒃᑯᓂᑦ ᐊᑐᕐᓱᒍᓗ ᓂᐅᕕᕈᑕᐅᑦᓱᓂ ᐃᖃᓗᓐᓂᐊᕈᑎᓂᒃ. ᐅᑭᐅᒃ ᒪᕐᕉᒃ ᐃᓗᐊᓂ, ᑯᐊᐯᑦ ᐃᖏᕐᕋᓯᓐᓂᖁᑦ ᑰᑦᔪᐊᒥ, ᑲᖏᕐᓱᒥ, ᐳᕕᕐᓂᑐᒥᒃ, ᑭᓪᓕᓂᕐᒥ ᓄᓇᑦᓯᐊᒥ ᐊᒻᒪᓗ ᑰᑦᔪᐊᕌᐱᒻᒥ.
ᐃᓚᒌᓴᖅ ᑎᒥᓐᖑᑎᑕᐅᓯᒪᔪᖅ ᒣ 20, 1967 ᒥ ᐊᒻᒪᓗ ᓯᑕᒪᑦ ᐱᓇᓱᐊᕈᓰᑦ ᖄᖏᕐᒪᑕ ᔫᓂ 15 ᒥ, ᑎᒥᒻᒪᕆᒻᒧᑦ ᑲᑎᒪᕗᑦ ᓖᕕ, ᑯᐯᒃᒥ.
ᑖᓐᓇ ᑲᑎᒪᓂᖅ ᑲᑎᕕᐅᔪᖅ ᐃᓄᓐᓄᑦ ᐋᓪᓚᓄᓪᓗ ᑭᒡᒐᑐᕐᑐᓄᑦ ᑖᒃᑯᓇᓐᖓᑦ ᓄᓇᓕᓐᓂᑦ ᑕᓪᓕᒪᓂᑦ. ᑲᑎᒪᓚᐅᕐᓱᑎᒃ ᐱᓇᓱᐊᕈᓯᕐᓂ ᐱᖓᓲᔪᕐᑐᓂ, ᐱᓇᓱᐊᕈᑎᖃᕐᓂᖁᑦ ᐱᖁᔮᐱᓐᓂᒃ ᐃᓚᒌᓴᕐᒧᑦ ᐱᔪᓂᒃ ᑕᒐᓗ ᐃᓂᓪᓓᓱᑎᒃ ᑐᕌᕐᑕᐅᒋᐊᕈᒪᔪᓂᒃ ᑎᑭᐅᑎᓗᒋᑦ ᐊᐅᓚᑕᖓᒍᑦ ᐃᓚᒌᓴᐅᑉ ᑌᑲᓐᖓᓂᑦ.
1967 ᓂᑦ, ᑯᐊᐯᑦ ᓇᑉᐸᐅᖃᕐᓯᒪᕗᑦ ᐃᓄᐃᑦ ᓄᓇᓕᖏᓐᓂᒃ ᓄᓇᕕᒻᒥ, ᐊᒻᒪᓗ ᑯᐊᐸᓐᓂᖅ ᐱᓪᓚᕆᐅᓂᕐᐸᐅᕗᖅ ᓱᓕ ᐱᖃᑕᐅᕕᖓᑦ ᓄᓇᓕᓐᓂ ᐃᓄᖏᑦᑕ ᐱᕙᓪᓕᐊᔭᐅᓯᒪᔪᓕᒫᓄᑦ ᐱᔪᖃᕐᓯᒪᓕᕐᑐᓄᑦ.
ᑭᒡᒐᑑᑎᐅᑉ ᐊᓪᓚᑕᐅᓯᒪᐅᑎᖓ
ᐃᓪᓕᕆᔭᕗᑦ ᐊᒻᒪ ᑎᑭᐅᑎᒍᒪᓯᒪᔭᕗᑦ ᓯᕗᓂᕐᒧᑦ
ᑕᒐ ᑯᐊᐸᓐᓂᒥ, ᐱᒍᓐᓇᓰᓗᑕ ᐃᓚᐅᔪᖁᑎᑦᑎᓂᒃ ᐱᓇᓱᐊᖃᑕᐅᖁᑦᓱᒋᑦ ᐱᕙᓪᓕᐊᕈᑎᑦᓴᒥᓄᑦ ᑲᔪᓯᑦᑐᐊᕈᓐᓇᓂᐊᕐᑐᒥᒃ ᐃᓅᓯᒥᓗ ᐃᓄᒡᒍᑎᑦᓴᓂᓪᓗ ᐱᒋᐊᕐᑎᓯᓂᕐᒥᒃ.
- ᓯᕗᒧᐊᑦᑎᓯᓂᕐᒥᒃ ᐊᒻᒪᓗ ᓴᐳᑦᔨᓯᒪᓂᕐᒥᒃ ᑯᐊᐸᒍᓯᕐᒥᒃ
- ᑲᔪᓯᑎᖏᓐᓇᓭᓐᓇᓗᒍ ᑮᓇᐅᔭᑎᒍᑦ ᐱᒍᓐᓇᓯᐊᕐᓗᓂ ᐊᒻᒪᓗ ᑲᔪᓯᑦᓯᐊᓗᓂ
- ᑲᔪᓯᖏᓐᓇᑐᒥᒃ ᐱᐅᓯᑎᒋᐊᖏᓐᓇᓗᒋᑦ ᐱᔨᑦᓯᐅᑎᕗᑦ ᐱᒍᓐᓇᓯᐊᕐᓂᓴᐅᒍᑎᑦᓴᖓ ᑯᐊᐸᓐᓂᐅᑉ – ᐅᓪᓗᒥᓗ ᓯᕗᓂᕆᓂᐊᕐᑕᑎᓐᓄᓗ
ᐃᑲᔪᕐᑎᒌᒍᑎᒋᓗᒍ
ᐱᔭᖃᑦᓯᐊᓂᕐᓴᐅᔪᒍᑦ ᑲᑐᑦᔮᕆᑦᓱᒍ ᐃᓄᑑᑦᔨᒐᓱᐊᕋᔭᕐᓂᑎᓐᓂᑦ.
ᓱᓕᑦᓯᐊᑐᒥ ᐊᒻᒪᓗ ᑲᒪᒋᔭᑦᓴᖃᕐᑎᑕᐅᒍᑏᑦ
ᓯᕗᓕᕐᑐᒍᑦ ᓱᓕᔪᒃᑯᑦ, ᓵᑕᑦᓴᐅᒍᑎᒋᑦᓱᒍ, ᐊᒻᒪᓗ ᓄᓪᓚᖓᓗᓂ ᐊᐅᓚᑦᓯᓂᕗᑦ ᓇᐅᒃᑯᓕᒫᖅ.
ᑐᓂᒪᒍᑎᒋᑦᓱᒍ ᓄᓇᓕᒻᒧᑦ