ᓇᑉᐸᑕᐅᔪᕕᓂᖅ 1967 ᒥ
ᐃᓚᒌᓴᖅ ᑐᓂᓯᒪᔪᖅ ᐱᐅᑦᑐᐊᖁᑦᓱᒍ ᐃᓄᐃᑦ ᑭᒻᒪᕈᓯᐊᖏᑦ ᑕᒐᓗ ᓯᕗᒧᐊᑦᑎᓗᒍ ᖃᓄᐃᓐᖏᓯᐊᕈᑎᑦᓴᖏᑦ ᓄᓇᓕᐅᑉ.
ᐱᒻᒪᕆᐅᑎᑉᐸᕗᑦ ᐃᓪᓕᓇᕐᑐᑦ ᓲᓱᒋᓗᒋᑦ, ᐃᑲᔪᕐᑎᒌᓐᓂᖅ ᐊᒻᒪᓗ ᐊᓂᒎᑎᒍᓐᓇᖃᑦᑕᑐᖅ ᑕᒪᓐᓇᓗ ᐃᓄᐃᑦ ᐱᒍᓐᓇᐅᑎᒋᕙᐅᒃ ᑭᖑᕚᕆᑎᒍᑦ. ᐱᒋᐊᒃᑫᓂᕐᑎᒍᑦ ᑕᐅᑐᓗᐊᕐᓗᒍ ᐃᓄᒡᒍᑎᑦᓴᒥᒃ ᐱᕙᓪᓕᐊᑎᑦᓯᓂᖅ, ᐃᓕᓐᓂᐊᑎᑕᐅᓂᕐᓗ ᐊᒻᒪᓗ ᐱᐅᓯᑐᖃᕐᒥᒃ ᐱᓯᒣᓐᓇᑎᑦᓯᓂᖅ, ᐊᔪᐃᓐᓈᕆᕙᕗᑦ ᓄᐃᑎᑦᓯᖁᓪᓗᑕ ᐱᕕᑦᓴᐅᒍᓐᓇᑐᓂᒃ ᑕᒐ ᐱᒍᓐᓇᓯᒍᑎᑦᓴᖓᑦ ᓄᓇᕕᒻᒥᐅᑦ ᐱᒋᐅᕐᓂᖑᕐᓗᑎᒃ ᐅᓪᓗᒥ ᐃᓅᓯᐅᓕᕐᑐᒥ ᑕᒐᓗ ᐊᑕᕕᖃᑦᓭᓇᖏᓐᓇᒥᓗᑎᒃ ᐱᐅᓯᕆᓯᒪᔭᒥᓄᑦ.
ᑭᓇᐅᓂᕗᑦ
ᑕᖏᖓ ᑎᓕᔭᐅᓯᒪᐅᑎᐅᑉ ᑕᒐ ᐃᑲᔪᕐᓯᒪᓗᒋᑦ ᑯᐊᐸᑦᑐᖁᑎᕗᑦ
ᐱᐅᓯᖃᕐᑐᒍᑦ ᑲᑐᑦᔨᕕᐅᓗᑕ ᐱᓇᓱᐊᖃᑕᐅᓂᒃᑯᑦ ᑕᕐᕋᒥ ᑯᐊᐸᓄᑦ, ᐊᑦᔨᒌᑦᔭᒐᑎᒃ ᐊᒥᓱᐃᓂᒃ ᓱᓇᒥᑦᑐᑦ ᐃᑲᔪᕐᓱᒋᑦ ᑕᒣᑎᒍᑦ – ᓂᐅᕕᑦᓴᓕᕆᓂᕐᓂᑦ ᐊᒻᒪᓗ ᓄᑖᕕᓂᕐᓂᒃ ᐊᐅᓪᓚᑎᑦᓯᖃᑦᑕᓂᕐᓂᑦ, ᖃᕆᑕᐅᓕᕆᓂᕐᓄᑦ ᐱᓇᓲᑎᓂᒃ, ᑮᓇᐅᑦᔭᓵᓕᕆᓂᕐᓂᒃ, ᐊᒻᒪᓗ ᐊᓪᓚᑯᕕᓕᕆᒍᑦᔨᓂᕐᓂᒃ ᐱᔨᑦᓯᐅᑎᓂᒃ.
ᖃᓄᐃᓕᐅᓲᒍᒻᒪᖔᑦᑕ
ᑯᐊᐸ ᓂᐅᕕᕐᕕᑐᐃᓐᓇᐅᔭᖏᑦᑐᖅ ᐊᓯᖏᓪᓗᐊᓛᑦ ᐱᕗᑦ. ᐱᔭᖃᑦᓯᐊᕈᑎᖓᑦ ᑕᑯᔭᕗᑦ ᐊᒥᓱᐃᓂᒃ ᐱᔨᑦᓯᓂᖓ ᐊᒻᒪᓗ ᐱᒋᐊᕐᑎᓯᒪᔭᖏᑦ, ᒪᑯᓂᖓᑕᒐ:
- ᓂᐅᕕᕐᕕᓂᒃ ᐃᖏᕐᕋᑎᑦᓯᓂᖅ ᐊᑐᐃᓐᓇᖃᕐᑐᓂᒃ ᐊᒥᓱᐃᓂᒃ ᐱᑦᑕᕕᐅᓗᓂ ᓂᐅᕕᐊᑦᓴᓂᒃ
- ᑮᓇᐅᔭᓕᕆᓂᕐᓂᒃ ᐱᔨᑦᓯᔪᑦ, ᐊᓪᓚᓯᒪᔪᕐᓂᐊᕕᓕᒃ ᐊᒻᒪᓗ ᐱᑐᑦᓯᒪᐅᑎᑎᒍᑦ ᑕᑯᓐᓇᕈᑎᓂᒃ ᐱᑕᓕᒃ
- ᐃᓕᓐᓂᐊᑎᑦᓯᓂᕐᓂᒃ, ᐱᓇᓱᒃᑎᓄᑦ ᐱᒋᐅᕐᓭᓂᕐᓂᒃ, ᐊᒻᒪᓗ ᑕᒻᒪᓯᒪᔪᕐᓯᐅᑎᓄᑦ ᐃᑲᔪᕐᓯᒪᐅᑎᓂᒃ
- ᑕᑯᑦᓴᐅᑎᑦᓯᕕᓕᒃ ᐊᒻᒪᓗ ᓂᐅᕐᕈᓭᕕᓕᒃ ᐃᓄᓕᕐᑕᓂᒃ ᑲᓇᑕᓕᒫᒧᑦ ᐱᔪᓂᒃ ᐊᒻᒪᓗ ᑲᓇᑕᐅᑉ ᓯᓚᑖᓄᑦ
- ᑐᓐᖓᓱᒃᑎᓯᓂᕐᓂᒃ, ᐃᓚᖃᕐᒥᔪᑦ ᓯᓂᑦᑕᕕᓕᕆᓂᕐᓂᒃ, ᐊᕐᕕᑕᐅᑎᓕᕆᕕᒃ ᐊᐅᓚᒍᒪᔪᓄᑦ, ᐊᒻᒪᓗ ᑲᒪᔨᖃᕐᓱᑎᒃ ᐃᓐᓂᐊᕈᒪᔪᓄᑦ ᐊᒻᒪᓗ ᐃᖃᓗᑦᓯᐅᑎᑦᓯᕖᑦ
- ᐅᕐᓱᐊᓗᖃᐅᑎᐊᓗᐃᑦ ᐊᒻᒪᓗ ᒥᓇᕋᕐᓂᖅ ᐃᑲᔪᕐᑕᐅᖁᓪᓗᒋᑦ ᓄᓇᓕᐅᑉ ᑭᓐᖒᒪᔭᖏᑦ
- ᓴᓇᖃᑦᑕᓂᖅ ᑯᐊᐸᓂᒃ ᐃᓪᓗᓕᐅᕐᓂᑯᑦ, ᓯᓂᑦᑕᕕᓐᓂᒃ, ᐊᓇᕐᕋᓴᕐᓂᒃ, ᐃᓕᓴᕐᕕᓂᒃ, ᐊᒻᒪᓗ ᐊᓯᒋᒻᒥᔭᖏᓐᓂᒃ ᐃᓪᓗᓕᐅᕈᑦᔨᖃᑦᑕᓂᖅ ᓄᓇᕕᓕᒫᒧᑦ ᐱᔪᓂᒃ
