2005-ᖑᓚᐅᕐᑎᓇᒍ, ᐃᓱᒫᓘᑕᐅᔪᓕᒫᑦ ᐹᕐᓯᖓᐅᑕᐅᔪᑦ, ᐱᓇᓱᑦᑏᑦ-ᐊᐅᓚᑕᐅᓂᖏᑦ, ᐃᓂᕐᑎᕆᐅᑏᑦ ᐊᒻᒪᓗ ᐱᓇᓱᑦᑏᑦ ᐊᕕᑕᐅᓂᖏᑦ ᐊᐅᓚᑕᐅᓲᖑᓚᐅᕐᓯᒪᔪᑦ ᑲᒪᔨᒻᒪᕆᒻᒧᑦ ᐊᒻᒪᓗ ᐊᓪᓚᕕᐅᑉ ᑲᒪᔨᖓᓄᑦ. ᐊᒻᒪᓗ ᐃᓚᖃᕐᒥᓱᑎᒃ, ᐊᑐᓂᑦ ᐊᓪᓚᕖᑦ ᑲᒪᔨᖏᑦ ᑲᒪᒋᔭᖃᖃᑦᑕᓚᐅᕐᓯᒪᒻᒥᔪᑦ ᐱᓇᓱᑦᑎᑖᕆᓂᐊᕐᑕᒥᓂᒃ ᐊᒻᒪᓗ ᐃᓕᓐᓂᐊᑎᕐᑕᐅᓂᖏᓐᓂᒃ ᐱᓇᓱᑦᑎᒥᑕ. ᐃᓚᒌᓴᐅᑉ ᑮᓇᐅᑦᔭᓵᓕᕆᓂᖓ ᐊᒻᒪᓗ ᐱᓇᓱᑦᑏᑦ ᐃᓱᕐᕉᑎᑖᕐᑕᐅᑎᖏᑦ ᐊᐅᓚᑕᐅᓂᕐᓴᐅᕙᓚᐅᕐᑐᑦ ᐊᓪᓚᑯᕕᓕᕆᕕᐅᑉ ᐊᓪᓚᕕᖓᓄᑦ ᐊᒻᒪᓗ ᑯᐊᐯᑦ ᑮᓇᐅᑦᔭᓵᓕᕆᒍᑦᔭᐅᓂᖓᓄᑦ ᑯᐊᐯᑦ ᐱᒍᑦᔭᐅᓂᖏᑦᑕ ᐊᓪᓚᕕᖓᓂ.
ᐃᓚᒌᓴᐅᑉ ᐊᓪᓚᕕᖓᓂ, ᑎᒥᐊᕈᖁᑎᖏ ᐊᒻᒪᓗ 14 ᑯᐊᐯᑦ ᐱᕈᕐᐸᓕᐊᔪᐊᓘᓲᖑᓕᕐᒪᑕ, ᖃᐅᔨᒪᓇᓕᓚᐅᕐᓯᒪᒻᒪᑦ ᐊᓪᓚᕕᒻᒥᒃ ᓴᕐᕿᑎᑦᓯᔭᕆᐊᖃᓕᕐᓂᕗᑦ ᐊᑕᐅᓯᐅᓕᕿᖓᑎᑦᓯᓯᐊᓚᖓᔪᒥᒃ, ᐱᐅᓯᕐᓲᑎᑦᓴᔭᐅᒋᐊᓕᓐᓂᓗ ᐊᑐᕐᑎᒋᐊᓯᓗᒋᑦ ᐊᓪᓚᕕᒻᒥ ᐊᑕᐅᓯᕐᒥ. ᑌᒣᒻᒪᑦ 2005-ᒥ, ᐱᓇᓱᑦᑎᓕᕆᕕᐅᑉ ᐊᓪᓚᕕᖓ ᐊᒻᒪᓗ ᐃᓕᓐᓂᐊᕈᑎᓕᕆᕕᐅᑉ ᐊᓪᓚᕕᖓ ᓴᕐᕿᑎᑕᐅᓕᓚᐅᕐᓯᒪᕘᒃ.
ᑖᓐᓇ ᐊᓪᓚᕕᒃ ᐱᖓᓱᐃᓕᕿᖓᔪᓂᒃ ᐱᓇᓱᐊᕐᕕᐅᔪᖅ ᒫᓐᓇ - ᐱᓇᓱᑦᑎᓕᕆᕕᒃ (ᐱᖓᓱᓂᒃ ᐱᓇᓱᑦᑎᖁᑎᓕᒃ), ᑮᓇᐅᑦᔭᓵᓕᕆᕕᒃ (ᑕᓪᓕᒪᓂᒃ ᐱᓇᓱᑦᑎᖁᑎᓕᒃ) ᐊᒻᒪᓗ ᐃᓕᓐᓂᐊᕈᑎᓕᕆᕕᒃ (ᒪᕐᕉᓂᒃ ᐱᓇᓱᑦᑎᖁᑎᓕᒃ). ᑕᒪᒃᑯᐊᓕᒫᑦ ᐊᕕᑦᑐᓯᒪᒐᓗᐊᕐᓱᑎᒃ ᐊᓪᓚᕕᖁᑎᖏᑦ ᐱᓇᓱᑦᑎᓕᕆᕕᐅᑉ ᐱᔭᒃᓴᓕᒫᖏᓐᓂᒃ ᐱᓇᓱᐊᕐᐸᑐᑦ ᑭᒡᒐᑐᕐᓱᒋᑦ ᐃᓚᒌᓴᖅ, ᑎᒥᐊᕈᖁᑎᖏᑦ, ᐃᓚᐅᔪᑦ, ᐊᐅᓚᑦᓯᔩᑦ ᐱᓇᓱᑦᑎᖏᓪᓗ ᑕᕐᕋᒥ ᐊᒻᒪᓗ ᖃᓪᓗᓈᑦ ᓄᓇᖓᓂ.
© 2018 - ᐃᓚᒌᓴᖓ ᑯᐊᐯᑦ ᑯᐯᒃ ᑕᕐᕋᖓᓂ
