ᑲᑎᒪᔨᒻᒪᕆᒃᑯᖏᓐᓂ ᑯᐯᒻᒥᐅᑉ ᑯᐊᐸᑦᑐᑦ ᐱᓇᓱᖃᑎᖏᑦᑕᓗ (CQCM)  ᖁᔭᓕᒍᑎᖃᓚᐅᖁᑎ 75ᓂᑦ ᐅᑭᐅᕐᑖᕈᑎᒥᓂᒃ ᑕᕝᕙᓂ ᐊᕐᕌᒍᕐᒥ, ᐃᓚᐅᔪᖁᑎᖏᓪᓗ, ᐃᓚᒌᓴᖅ ᐃᓚᐅᖃᑕᐅᒻᒪᑦ, ᑯᐊᐯᑦ ᑯᐯᒃ ᑕᕐᕋᖓᓂ (ᐃᓚᒌᓴᖅ). ᓂᕆᒻᒫᓂᖃᓚᐅᕐᑐᑦ ᒪᑦᔨ 12ᒥ, ᐅᐱᒍᓱᓐᓂᖃᕐᓱᑎᒃ ᐃᓄᑐᑦᑎᑐᓂᑦ ᐱᕙᓪᓕᐊᑫᓂᖃᕐᓯᒪᓂᖏᓂᑦ ᐃᓅᖃᑎᒌᒍᑎᓕᐅᕐᓂᑯᑦ ᐊᓐᓇᐅᒪᑦᔪᑎᑦᓴᓂᓪᓗ ᐱᖕᖑᑎᓯᕙᓪᓕᐅᓂᒃᑯᑦ, ᑯᐊᐸᓐᓂᑎᒍᑎ ᑯᐯᒃᒥ.

ᐃᓚᒋᔭᐅᓚᕐᑐᒃ ᐊᔪᐃᓐᓇᒪᕆᑦᓯᒪᓂᕐᒥᑎᒍᑦ ᑯᐊᐯᑦᑐᓂᑦ ᑯᐯᒃᒥ ᐅᑭᐊ, ᐃᓚᒌᓴᑉ ᐊᖓᔪᕐᖄᕕᓂᖓ ᐃᓓ ᐃᓓᔭᓯᐊᐱᒃ ᐊᒻᒪᓗ ᑲᒪᔨᒻᒪᕆᒃ ᐁᖕ ᑰᓐ. ᒥᔅᑕ ᐃᓓ ᐃᓓᔭᓯᐊᐱᒃ ᐃᓅᒐᓐᓀᑎᓪᓗᒍ ᑐᓂᔨᕕᐅᓚᐅᕐᑐᖅ, ᐱᖓᔪᐊᓂᑦ ᐃᓕᑕᕆᔭᐅᒍᑎᒥᑦ ᐅᐱᓇᓂᖓᓄᑦ, ᐸᓂᖓᓄᓪᓗ ᐋᓕ ᐃᓓᔭᓯᐊᐱᒻᒧᑦ ᐊᑦᑐᑕᐅᒍᑎᖓᓂᑦ ᑎᒍᓯᓚᐅᕐᓱᓂ ᐅᐱᒪᒻᒪᕆᑦᓱᓂ, ᐃᓓᒥᑦ ᐱᒍᑦᔨᓱᒍ. ᐃᓓ ᑲᒪᒋᔭᖃᖃᑕᐅᓯᓚᐅᕐᓯᒪᒻᒪᑦ, ᑲᑎᒪᔨᐅᖄᑕᐅᓯᑦᓱᓂ ᐃᓄᒃᔪᐊᑉ ᑯᐊᐸᖓᓄᑦ 1968ᒥ, ᑲᔪᓯᓚᐅᔪᑦᓱᓂᓗ ᑐᑭᒧᐊᑎᓯᓂᕐᑎᒍᑦ ᑯᐊᐸᓂᑦ, ᐃᓚᒌᓴᖓᓂᓗ ᐃᓅᓯᕐᒥᑕ ᐃᓱᐊᓄᐊᓪᓚᑦ ᒪᑦᔨ 3ᒥ.

ᐁᖕ ᑰᓐ ᑐᓂᔨᕕᐅᓚᐅᔪᒻᒥᔪᖅ ᐱᖓᔪᐊᓂᑦ ᐃᓕᑕᕆᔭᐅᒍᑎᒥᑦ ᐅᐱᓇᓂᖓᓄᑦ. ᐱᓇᓱᐊᒋᐊᖕᖓᑐᕕᓂᖅ ᐃᓚᒌᓴᕐᒥ 1981ᒥ, ᑮᓇᐅᔭᖁᑎᓕᕆᓂᕐᓂᑦ ᐃᒫᖓᕐᑎᐅᓱᓂ ᑯᐊᐸᓄᑦ ᐊᒻᒪᓗ ᑮᓇᐅᔭᓕᕆᔨᒻᒪᕆᐅᓯᒪᑦᓱᓂ 1989ᒥᓂᑦ, ᑲᒪᔨᒪᕆᐅᑉ ᓵᑕᑦᓴᐅᒍᑎᖏᓐᓂᑦ ᑎᒍᓯᓚᐊᕋᓂ. CQCM-ᑯᑦ ᐱᖓᔪᐊᓂᑦ ᐃᓕᑕᕆᔭᐅᒍᑎᒥᑦ ᐅᐱᓇᓂᖓᓄᑦ ᖁᔭᓕᓂᖃᓚᐅᖁᑦ ᐊᒥᓱᓂ ᐊᕐᕌᒍᓂ ᐱᒍᑦᓯᓂᐅᓯᒪᔪᓂᑦ ᐃᑲᔪᓯᑲᑦᑕᓂᒃᑯᑦ ᐱᕈᐸᓕᐊᑎᑦᓯᓂᒃᑯᓗ ᑯᐊᐸᓐᓂᓂᑦ ᓄᓇᕕᒻᒥ.