ᐅᓪᓗᒥᐅᕗᖅ, ᑖᒃᑯᐊ ᑯᐊᐯᑦ ᓄᓇᕕᒻᒥ ᓇᓪᓕᐅᓂᕐᓯᐅᕈᑎᖃᕐᓂᖓᑦ ᐃᓚᒌᓴᕐᒥᓂᒃ, ᓇᑉᐸᑕᐅᔪᕕᓂᕐᒥᒃ ᒣ 20, 1967ᒥ.  ᐊᒥᒐᓐᖏᑐᒥᒃ ᐅᐱᒋᑦᓱᒍ ᑖᒃᑯᐊ 11 000 ᐃᓚᐅᔪᑦ ᐅᓄᕐᓂᓖᑦ ᑭᖑᒧᑦ ᕿᕕᐊᕋᒥᒃ ᑯᐊᐸᓐᓂᒥᑕ ᐱᒋᐊᕐᓂᒥᓂᑦ ᐅᓪᓗᒥᒧᑦ ᑎᑭᑦᓱᒍ. 

”ᐃᓚᒌᓴᕐᓗ ᑯᐊᐯᓪᓗ, ᑕᒪᓐᓇᑕᒐ ᐃᓄᒡᒍᑎᒃᓴᓕᐅᕐᓂᒧᑦ ᐱᕙᓪᓕᐊᓂᖓ ᓄᓇᕕᐅᑉ ᐃᓕᖓᑦᓱᓂ ᐊᐅᓚᑕᖓᓪᓗ ᓄᓇᕕᒻᒥᐅᑦ” ᐅᖃᕐᒪᑦ ᒥᐊᔨ ᔪᐊᓇᓯ, ᓯᕗᓪᓕᐸᐅᔪᖅ ᐊᕐᓇᐅᓱᓂ ᐊᖓᔪᖅᖄᖓ ᐃᓚᒌᓴᐅᑉ.  ᑌᒪᓐᖓᑦ ᐱᒋᐊᕐᓂᕋᒥ, ᑯᐊᐸᓐᓂᖅ ᐊᐅᓚᑦᓯᓯᒪᓕᕐᑐᖅ ᖃᓐᑕᐅᓈᕐᑎᑐᓂᒃ ᒥᓕᐅᓐᓂᒃ ᑮᓇᐅᔭᓂᒃ ᐱᕙᓪᓕᖁᑎᑦᓴᕆᑕᖏᓐᓂᐅᒃ ᑖᒃᑯᐊ ᓄᓇᓖᑦ.  ᐅᓪᓗᒥ, ᐊᖏᓂᕐᐸᐅᕗᖅ ᓇᒻᒥᓂᕆᔭᐅᑦᓱᓂ ᐱᓇᓱᒃᕕᒃ ᓄᓇᕕᒻᒥ ᐅᓄᕐᓂᖏᑦ 1 100 ᐅᖓᑖᓅᕐᑐᑦ ᐱᓇᓱᐊᕐᑎᖏᑦ,  ᑖᒃᑯᓇᓐᖓᓗ 800 ᐅᑦᓱᑎᒃ ᑕᕐᕋᒦᑦᑐᑦ.  ᐅᖓᕙᒥᑦ ᑕᓯᐅᔭᕐᔪᐊᒧᑦ, ᐃᓄᒃᑎᑑᕐᓱᑕ ᐱᓇᓱᐊᕐᐸᑐᒍᑦ ᐱᔨᑦᓯᓗᑕᓗ ᐃᓄᖁᑎᑦᑎᓂᒃ ᑭᒡᒐᑐᕐᑕᑎᓐᓂᒃ ᑯᐊᐸᓂ.  “ᑕᒪᓐᓇᓕ ᐃᓱᒪᓇᕐᓯᒪᑦᔭᖏᑦᑐᖅ ᑌᑦᓱᒨᓇᐅᑎᓪᓗᒍ ᐅᑭᐅᑦ ᐊᕙᑎᑦ ᐱᖓᓱᑦ ᐃᓱᒪᒋᓗᒋᑦ ᑭᖑᓂᑦᑎᓂ” ᑕᐅᑐᑉᐸᐅᒃ ᒥᐊᔨᐅᑉ, ᑌᓗᐊᕐᓗᒍ ᒪᓐᓇ ᐃᓚᒌᓴᐅᑉ ᐱᒋᐊᓕᕐᓂᕋᒥ ᐊᑑᑎᓯᒪᔭᖓ ᐅᓪᓗᒥᒧᑦ ᑕᒪᓐᓇᐅᕗᖅ ᐱᔪᓐᓇᓯᕕᒋᓯᒪᕙᐅᒃ ᐊᓂᒎᑎᑎᑦᓯᒍᓐᓇᖃᑦᑕᓱᓂᓗ ᐊᓂᒎᑎᑎᒋᐊᓕᓐᓂᒃ.

ᐊᒥᓱᐃᒍᕗᑦ ᐊᑐᕐᓇᑐᖁᑎᖏᑦ ᑲᔪᓯᑐᐃᓐᓇᕈᑎᖏᑦ

ᑕᒡᕙᓂ ᐅᑭᐅᑉ ᖃᓂᒪᓐᓇᖃᕐᓂᖓ ᖃᐅᔨᒋᐅᕐᓇᑐᒃᑯᑦ ᐆᑦᑐᕋᕐᑕᐅᓂᐊᔮᕐᒪᑦ ᓄᓇᕕᐅᑉ ᑯᐊᐸᓐᓂᖓᓄᑦ, ᐱᑦᓯᐊᑐᕐᓗ ᑌᒣᑦᑐᒥᒃ ᐱᔪᖃᕋᓗᐊᕐᑎᓗᒍ.

”ᐊᒥᓱᐃᓕᕇᒍᓂᖏᑦ ᐱᓇᓱᐊᕐᓂᑕ ᐱᐅᓂᕐᐹᖁᑎᒋᕙᐅᒃ ᓇᖐᓗᑕᑦᑕ” ᐅᖃᕐᓱᓂ ᒥᐊᔨ, ᑌᓗᒋᑦ ᐊᑦᔨᒌᓐᖏᑑᑏᑦ ᐱᓇᓱᐊᕐᕖᑦ ᐃᓚᐅᕕᒋᔭᕗᑦ ᑯᐊᐸᑎᒍᑦ, ᐃᓚᒌᓴᕐᕕᖓᑦ ᑎᒥᐊᕈᖁᑎᖏᓪᓗ: ᓂᐅᕕᐊᑦᓴᓕᕆᓂᖅ, ᑕᑯᓐᓇᕈᑎᓕᕆᓂᖅ, ᐅᓯᑲᑦᑕᑎᖃᕐᓂᖅ, ᐅᕐᓱᐊᓗᓕᕆᓂᖅ, ᓯᓂᒃᑕᕕᓕᕆᓂᖅ, ᓴᓇᔨᖁᑎᖃᕐᓂᖅ, ᐃᓄᓕᕐᑕᓂᒃ ᓂᐅᕐᕈᓯᕐᓂᖅ, ᐊᓯᖏᓪᓗ.

ᐊᖓᔪᖅᖄᖅ ᑌᓯᓗᐊᓐᖑᐊᑐᖅ ᐃᒫᒃ ᐱᓇᓱᒃᑎᖃᑦᓯᐊᓂᕐᒥᒃ ᑲᔪᓯᑦᓯᐊᑐᓂᒃ ᐃᓚᒋᒻᒪᐅᒃ ᓲᖑᓂᕆᑦᓱᒍ ᑯᐊᐸᓐᓂᐅᑉ - ᓱᓕᓗ ᐃᓚᒌᓴᕐᒥ ᐱᒻᒥᑎᓪᓗᒍ, ᐅᓄᕐᑐᓂᒃ ᐱᓕᓂᐅᓕᕐᑐᓂᒃ ᐱᓇᓱᒃᑎᓂᒃ - ᑌᒫᑦᑕᐅᖅ ᑯᐊᐸᓂ, ᑕᒪᓐᓇᓗ ᓇᓗᓀᖃᑦᑕᑐᖅ ᓯᕗᓕᐅᕆᓯᒪᖃᑦᑕᓂᖅ ᐸᕐᓇᓯᒪᑦᓱᒍ ᐱᒋᐊᓕᓚᐅᔪᑎᓪᓗᒍ ᑲᑉᐱᐊᓈᕿᓯᒪᓂᖅ.  ᑖᓐᓇ ᖁᕕᐊᒋᔭᓕᒃ “ᐅᐱᒍᓲᑎᒋᕙᕋ ᑐᓂᒪᓂᖓᑦ ᑲᑐᑦᔨᓂᖓᓪᓗ ᐃᑦᔭᕋᑦᓴᓯᐊᒍᓂᖏᑦ ᐱᓇᓱᐊᕐᑎᑕ”, ᖁᓚᕐᓇᖏᑦᑐᑯᑦ ᑕᒪᑐᒪ ᐊᑲᐅᓂᕐᐸᐅᕗᖅ ᓴᑑᑎᑦᓴᖅ ᑲᔪᓯᒍᓐᓇᓂᖓ ᑯᐊᐸᓐᓂᒧᑦ.

ᐃᓚᒌᓴᕐᓕ ᐱᓪᓗᒍ

ᓇᑉᐸᑕᐅᓯᒪᔪᖅ ᐊᐅᓚᑕᐅᓪᓚᒥᓗ ᓄᓇᕕᒻᒥᐅᓄᑦ 1959ᒥᓂᑦ, ᑖᒃᑯᐊ ᑕᓪᓕᒪᐅᔪᕐᑐᓗ ᓯᑕᒪᓪᓗᑦ ᑯᐊᐸᖏᑦ ᓄᓇᕕᒻᒥ ᐊᑐᐃᓐᓇᓯᕕᐅᔪᑦ ᐊᒥᓱᐃᓄᑦ ᐱᒍᑦᔨᓂᕐᓄᑦ ᓄᓇᓕᒻᒧᑦ: ᓂᐅᕕᕐᕕᓂᒃ, ᓯᓂᒃᑕᕕᓐᓂᒃ, ᐅᕐᓱᐊᓗᓐᓂᐊᕕᓐᓂᒃ ᑌᒪᓗ ᐅᕐᓯᑐᐃᓂᕐᓂᒃ, ᐊᓪᓚᓯᒪᔪᕐᓂᐊᕕᓐᓂᒃ, ᑕᑯᓐᓇᕈᑎᖃᕐᓂᓂᒃ, ᓂᕆᕕᓐᓂᒃ, ᐊᓯᖃᕐᒥᔪᑦ.

ᓇᑉᐸᑕᐅᔪᕕᓂᖅ 1967ᒥ ᐃᓱᐊᖁᑎᑦᓴᐅᓂᐊᕐᓱᓂ ᓄᓇᕕᒻᒥ ᑯᐊᐸᓐᓂᒧᑦ ᐱᕙᓪᓕᖁᑎᑦᓴᐅᓗᓂ ᖁᓚᕐᓇᖏᑦᑐᒥᒃ ᐱᕈᕐᐸᓕᐊᖁᑦᓱᒍ, ᐃᓚᒌᓴᖅ, ᐃᑲᔪᕐᑐᖅ ᑯᐊᐸᓂᒃ ᐃᓚᒌᓴᕐᑐᓂᒃ ᒪᑯᑎᒎᓇ: ᓂᐅᕕᐊᑦᓴᑖᕐᓂᑯᑦ, ᐃᓕᓐᓂᐊᑎᑦᓯᓂᒃᑯᑦ, ᓴᓇᔨᖃᕐᓂᑯᑦ ᓯᖁᒥᓯᒪᔪᕐᓂᐊᑎᓂᒃ, ᖃᕆᑕᐅᔭᖃᕐᓂᑯᑦ ᐊᐅᓚᑦᓯᔨᓂᓪᓗ ᐃᑲᔪᕐᑕᐅᕕᓕᒃ.  ᐱᓇᓱᐊᕐᒥᓱᓂᓗ ᐊᑦᔨᒌᑦᔭᖏᑦᑐᓂᒃ ᐃᓄᒡᒍᑎᒃᓴᓕᕆᓂᕐᓂᒃ ᐃᓗᓕᓕᓐᓂᒃ ᒪᑯᑎᒎᓇ ᓂᐅᕐᕈᓯᕐᓂᒥᒃ ᐃᓄᓕᕐᑕᓂᒃ, ᓂᐅᕐᕈᑐᓕᕆᓂᕐᓂᒃ, ᐊᒥᓱᐃᓕᕆᓂᖅ ᐊᑕᐅᑦᓯᑰᕐᑎᒋᐊᓕᓐᓂ, ᓴᓇᔨᖁᑎᖃᕐᓂᖅ, ᐃᑯᒪᓕᐅᕈᑎᓕᕆᓂᖅ ᑌᒪᓗ ᐅᓯᑲᑦᑕᑎᖃᕐᓂᖅ.

ᓄᓇᕕᒻᒥ ᑯᐊᐸᓐᓂᖅ ᐃᓗᓕᓕᒃ ᐅᖓᑖᓅᕐᑐᓂᒃ 11 000 ᐃᓚᐅᔪᓂᒃ ᐊᒻᒪᓗ 1 100 ᓂᒃ ᐱᓇᓱᒃᑎᓕᒃ, ᑖᒃᑯᓇᓐᖓᓗ 800 ᒍᑦᓱᑎᒃ ᐱᓇᓱᐊᕐᑐᑦ ᑕᕐᕋᒦᑦᓱᑎᒃ.

ᑕᑯᒋᐊᕐᓯᐅᒃ ᐃᓚᒌᓴᐅᑉ ᐅᓂᒃᑳᓯᐅᒐᑦᓴᓂᒃ ᑕᑯᔭᑦᓴᓕᐅᕐᕕᖓᑕ ᓄᐃᑕᑎᑦᓯᕕᖓ ᖃᕆᑕᐅᔭᑎᒍᑦ ᑐᓴᕋᑦᓴᖑᕐᓯᒪᓕᕐᒥᔪᓄᑦ.: https://www.facebook.com/FcnqIlagiisaq/

- 30 -

ᑐᓴᐅᒪᔭᑦᓴᖅ:

Caroline Mailloux
ᑐᓴᕈᑎᕕᓕᕆᖓᓐᓂ ᐃᓄᓕᒫᓄᑦ ᐃᓕᖓᔪᑦ
ᐃᓚᒌᓴᖅ
caroline.mailloux@fcnq.ca
514 457-9371 ᓇᔪᕐᑕᖓ 436

PDF