ᐃᓓ ᐃᓓᔭᓯᐊᐱᒃ ᐃᓅᓕᕐᑐᕕᓂᖅ ᓄᓇᓕᐊᕈᕐᒥ ᓇᐅᓕᒐᕐᕕᐅᑉ ᑰᖓᓂ, ᐃᓄᒃᔪᐊᑉ ᑕᕐᕋᖓᓂ, ᐃᓄᒃᔪᐊᒥᐅᒍᓯᒪᑦᓱᓂᓗ 1965-ᒥᓂᑦ. ᐊᖓᔪᒋᔭᐅᓯᒪᔪᖅ, ᓰᒥᐅᓂᒧᑦ, ᐃᓅᒍᓐᓀᒥᔪᒧᑦ ᖄᔨ ᐃᓓᔭᓯᐊᐱᒻᒧᓗ; ᑕᒃᑯᐊᓗ ᑕᒪᕐᒥᑦ ᓴᓇᐅᒐᕐᓯᑎᐅᖃᑕᐅᓯᒪᑦᓱᑎ ᓄᓇᓕᒥᓂ. ᓯᕗᓂᐊᒍᑦ ᓄᓕᐊᖏᓚᐅᕐᓯᒪᔪᖅ, ᐊᕐᓇᕆᓚᐅᑕᖓ ᐄᕙ ᑕᑯᒥᓇᕈᑎᓕᐅᕐᐸᓚᐅᒥᔪᒥᑦ, ᓱᓕᒋᐊᓚᒃ ᐱᖃᑎᒥᓂᑦ ᒍᐃᓂ ᐊᕐᓇᒥᑦᓵᕐᓂᑦ ᕿᒣᒥᔪᖅ, ᕿᑐᖕᖓᒥᓂᑦ ᓘᓯᒥᑦ, ᐋᓂᒥᑦ, ᔪᐊᓇᓯ ᐃᓓᔭᓯᐊᐱᒥᓗ.

ᐃᕐᖃᐅᒪᑦᓯᓂᕐᒥᑎᒍᑦ, ᐅᔪᕈᖓ ᔫᐱ ᐅᐃᑖᓗᑦᑐᖅ, ᐱᓇᓱᑦᑎ ᐃᓚᒌᓴᒃᑯᓂ, ᐃᕐᖃᐅᒪᑦᓯᓂᖃᓚᐅᕐᖁᖅ ᐃᓚᒌᒍᑦᓱᑎᑦ ᐃᓪᓗᔪᐊᕐᑖᓚᐅᕐᓂᕕᓂᕐᓂᒥᑦ ᑲᖏᕐᓱᑲᓪᓚᒥᑦ. ᐃᓪᓗᓕᐊᕐᑐᕕᓂᑦ ᐊᖑᑎᓕᒫᓄᑦ ᐱᔪᓇᑐᓕᒫᓄᑦ ᖁᕕᐊᓱᒪᕆᑦᓱᑎᒃ, ᑐᓴᕐᓴᐅᓯᕐᓇᑎᓪᓗᒍᓗ ᐅᑭᐊᑦᓴᐅᓕᒐᒥ ᐅᓪᓛᑯᑦ ᓇᑉᐸᐃᒐᓱᐊᕐᑎᓗᒋᑦ. ᔫᐱᐅᑉ ᐊᔭᖓᑕ ᓂᐱᖓ, ᑐᓴᕐᓴᐅᓯᐊᓱᓂ ᐄᓓᒧᑦ ᙯᒐᓕᕐᑐᕕᓂᖅ ᐃᓓᑉ ᐊᑎᖓᓂᑦ ᑕᐃᓯᖃᑦᑕᓱᓂ, ᐱᒋᐊᓪᓚᑖᖃᕐᑕᓱᓂᐊᓪᓚᑦ, ᐊᓱᓚ ᖃᐅᔨᕙᓪᓚᑕᐅᒐᒥ "ᐃᔪᒃᑲᑕᐃᓕᕆ!" ᓚᑦᓱᓂ, ᐃᓓ ᐃᑯᕐᕋᖃᕐᑎᓗᒍ ᖃᑦᑕᐅᔮᓗᒻᒥᑦ ᐃᓪᓗᓪᓕᐅᕐᓱᑎᒃ. ᑐᓵᔪᓕᒪᓪᓗ ᐃᔪᕆᓴᓯᔪᕕᓂᑦ! ᐃᓓᑉ ᐃᔪᒃᑲᓂᐅᔭᕐᓂᖓ ᐊᓕᐊᓇᑦᑑᓕᕐᒪᑦ. ᐃᓓ ᐃᓅᓕᕐᒥᒪᑦ, ᐃᓅᑦᓱᓂᓗ ᐃᓚᒌᑦ ᓄᓇᓕᐊᕈᕐᓂ ᓄᓇᖃᓱᒍᑎᓪᓗᒋᑦ ᓇᒧᑐᐃᓐᓇᓗ ᓅᓱᒍᑦᓱᑎᑦ, ᐃᓅᓯᖏᓪᓗ ᐊᓯᑦᔨᓂᒃᑰᑎᓪᓗᒋᑦ ᓄᓇᓕᐊᕈᕐᒥᐅᕈᖃᑕᓯᒪᑦᓱᑎᑦ ᐃᓚᒌᕙᓪᓗᐃᑦ, ᓄᓪᓚᕋᑕᕐᓱᑎᒃ ᓄᓇᓕᒪᕆᓐᓄᑦ.

ᐃᓓᑉ ᖃᐅᔨᒪᔭᐅᑦᓯᐊᓚᐅᕆᕗᖅ ᓴᓇᐅᒐᕐᓯᑎᐅᓂᖓᑎᒍᑦ ᖁᓪᓕᓴᔭᕐᓂᑦ. ᓴᓇᐅᒐᖏᓪᓗ ᑐᑯᔭᑦᓴᐅᖃᑦᑕᓯᒪᑦᓱᑎᒃ ᐱᒻᒪᕆᐅᑎᓂ ᑐᑯᑦᔭᖃᒃᑫᕕᓐᓄᑦ ᑲᓇᑕᒥ, ᐊᒥᐊᔨᑲᓂ, ᔮᐸᓃᓯᒃᑯᓂ, ᓱᐃᕕᑎᓐᑯᓂ, ᒍᐃᒍᐃᒪᕆᒃᑯᓂ, ᔮᒪᓂᑯᓂᓪᓗ. ᓱᓇᐅᒐᕐᓯᒪᔨᖏᓪᓗ ᓂᐅᕕᐊᒍᖃᕐᑕᓯᒪᑦᓱᑎᒃ ᐊᒥᓱᓄᑦ ᖃᐅᔨᒪᔭᐅᑦᓯᐊᑐᓄᑦ ᑕᑯᔭᒐᖃᕐᕕᓄᑦ ᐃᓚᐅᑎᓪᓗᒋᑦ ᐅᑯᐊ,

Montréal Museum of Fine Arts  Montreal (Quebec)-ᒥ, the Museum of Civilization in Québec City (Quebec)-ᒥ, the Art Gallery of York University, in Downsview (Ontario)-ᒥ, the Canadian Guild of Crafts, Montréal (Québec)-ᒥ, the Dennos Museum Center, North-western Michigan College in Michigan (United States)-ᒥ,and the Museum of Anthropology at the University of British Columbia in Vancouver (British Columbia)-ᒥᔾᓗ.

ᐃᓚᐅᓯᓚᐅᕐᓯᒪᔪᖅ ᐱᖕᖑᑎᑕᐅᖃᒥᐅᖏᓐᓈᑎᓪᓗᒍ ᐃᓄᒃᔪᐊᒥ ᑯᐊᐸᖓ ᑲᑎᒪᔨᐅᖃᑕᐅᓯᑦᓱᓂ 1968-ᒥ, 32ᓂᒃ ᐅᑭᐅᖃᕐᓱᓂ. ᑌᒪᖕᖓᓂᓗ ᐱᕈᕐᐸᓕᐊᑎᑦᓯᖃᐅᑕᐅᑦᓱᓂ ᑯᐊᐸᒥᑦ. ᐃᓚᐅᔪᒻᒪᕆᐅᑦᓱᓂ ᐊᓯᖃᖏᑐᖁᑎᖃᕐᓂᑯᑦ ᑌᒪᖕᖓ ᐱᕙᓪᓕᖁᑎᑦᓴᓂᑦ ᐊᔪᐃᓐᓇᖃᑕᐅᑦᓱᓂᓗ ᐃᓄᒃᔪᐊᑉ ᑯᐊᐸᖓᑕ ᑲᑐᑦᔨᖃᑎᒋᓐᓂᖓᑎᒍᑦ, ᐅᐱᒪᒍᑎᖃᖃᑦᓱᓂᓗ ᑌᒪᖕᖓᑦ ᑲᒪᔨᖏᓪᓄᑦ, ᑲᑎᒪᔨᖏᓐᑕᓗ ᑲᒪᒋᔭᖃᑦᓯᐊᓂᖏᓐᓂᑦ, ᐃᓚᐅᖃᑕᐅᒐᒥ, ᑐᑭᒧᐊᑦᑎᓯᑦᓯᐊᓂᓐᓂᑦ ᐱᓗᐊᕐᑐᖅ.

ᓱᓱᒋᔭᐅᓯᒪᑦᓱᓂᓗ ᓄᓇᓕᒻᒥᑦ ᓱᕗᓕᕐᑎᐅᖃᑕᐅᓯᒪᓂᖓᒍᑦ, ᐊᖓᔪᕐᖄᕆᔭᐅᓯᒪᑦᓱᓂ ᐃᓄᑦᔪᐊᑉ ᓄᓇᓕᖓᑕ ᑲᑎᒪᔨᐊᐱᖏᓐᓄᑦ. ᐃᓚᒋᔭᐅᓯᒪᑦᓱᓂᓗ ᐃᓚᒌᓴᒃᑯᑦ ᑲᑎᒪᔨᖏᓐᓄᑦ 1970-ᓂᑦ ᐊᓪᓚᑦ, ᐊᖓᔪᕐᖃᒍᓯᓚᐅᓯᒪᕗ ᓯᕗᓪᓕᐹᒥ 1980-ᒥ.

ᐊᖓᔪᕐᖄᒍᓕᓚᐅᕐᒥᔪᖅ ᐱᖓᓱᓂ ᐊᕐᕌᒍᓂ ᐊᑑᑎᖃᒥᐅᓂᕐᐹᓂ, ᐃᓚᐅᒍᒪᓂᕐᒥᓂᓪᓗ ᐅᖃᐅᓯᖃᖃᑦᑌᓈᓚᐅᕐᓱᓂ ᖃᒻᒥᖅ ᓱᓕ ᑲᔪᓯᒃᑫᔨᓚᕆᒃᑐᓄᑦ ᐃᓚᒌᓴᒃᒥ.

ᐃᓓ ᑐᓂᔨᕕᐅᓂᐊᕐᓂᒥᑦ ᓯᕗᓂᖃᓚᐅᕐᑕᐊᓚᑦ ᐃᓕᑕᕆᔭᐅᒍᑎᒥᑦ ᐅᐱᓐᓇᑑᓂᖓᓄᑦ ᑲᑎᒪᔨᒻᒪᕆᓐᓄᑦ ᑯᐯᒃᒥ ᑯᐊᐸᑦᑐᓄᑦ ᐃᑲᔪᖃᑎᒋᑦᑐᓄᓪᓗ ᒫᑦᔨ 12-ᒥ, ᐃᓕᑕᕆᔭᐅᓂᖃᓂᐊᕐᑐᕕᓂᖅ ᐅᐱᓐᓇᕋᓂᒃᑰᑐᒥᑦ. ᐃᓓ ᒥᑭᓪᓕᑎᕆᐊᑭᑦᑑᓂᕐᒥᖏᓐᓇᓚᐅᕐᖁᖅ, ᐊᖏᓐᓯᒪᑦᓱᓂ ᐊᓯᑦᓴᓯᐅᕐᓇᒍᓗ, ᐃᑲᔪᕈᒪᓂᖃᕐᓱᓂ ᐊᓯᒥᓂᑦ ᑌᒪᖕᖓᑦ, ᑯᐊᐸᓂᑯᓪᓗ ᑕᒪᑦᓱᒥᖓ ᐊᑲᓲᑎᑦᓯᐊᖁᑎᖃᕐᓱᓂ ᐃᓱᐊᓄᑦ. ᐊᓯᖃᓚᑦᓯᓂᖃᕋᓂ ᑯᐊᐸᓐᓂᒥᑦ, ᐃᓅᓯᕐᒥᑕ ᐃᓱᐊᓄᑦ ᒫᑦᔨ 3ᒥ. ᐅᓪᓗᒥ ᐃᓗᕕᕐᑕᐅᓚᖓᕗᖅ ᐱᖓᓱᖕᖑᑐᐊᕐᐸᑦ ᐃᓄᒃᔪᐊᒥ.