ᐊᕐᕌᒍ ᓄᑖᖅ ᑐᑭᖃᕐᑐᖅ ᓄᑖᓂᒃ ᐱᒋᐊᕐᓂᒥᒃ ᐱᕕᑦᓴᐅᔪᓂᓪᓗ. 2016-ᖑᑎᓪᓗᒍ ᕿᐊᖕ ᑰᖕ ᐃᓄᒻᒪᕆᐅᓕᕐᓂᒥᓄᑦ ᓄᕐᖃᓚᐅᔪᖅ ᐃᓚᒌᓴᒃᑯᓂ ᐱᓇᓱᐊᕐᓱᓂ ᐃᓇᖏᕐᑕᐅᓱᓂ ᕙᕌᓐᓱᐊ ᑌᒧᑦ, ᑖᓐᓇ ᐊᑯᓂᐊᓗᒃ ᐃᓚᒌᓴᒃᑯᓂᒥᐅᖑᓕᕐᒥᔪᖅ. ᑕᒡᒐᓂ ᐅᓂᒃᑳᑕᐅᓂᖓ ᐊᑐᐊᕈᓐᓇᑕᓯ. ᑕᑯᔭᐅᑎᑦᓯᒐᓛᐱᒻᒥᔪᒍᑦ ᑯᐊᐯᑦ ᑲᒪᔨᒻᒪᕆᖏᓐᓂᒃ ᑮᓇᐅᔭᓕᕆᔨᖏᓐᓂᓗ, ᑯᐊᐸᓂᒃ ᐃᑲᔪᖃᑦᑕᓲᓂᒃ ᐱᒐᓱᐊᒻᒪᕆᑦᑕᖏᓐᓂᓗ ᐱᒍᑦᔨᓯᐊᓕᐅᒥᒍᑎᑦᓴᓂᒃ ᐃᓚᐅᔪᖁᑎᒥᓄᑦ. ᑭᖑᓪᓕᐸᐅᑎᓪᓗᒍ ᐅᐱᒍᓱᖃᑎᒌᑦᓯᐊᓂᐊᕐᖁᒍᑦ ᑕᒡᒐᓂ ᐊᕐᕌᒍᒥ 50-ᓂᒃ ᓇᓪᓕᐅᓂᕐᓯᐅᕋᑦᑕ ᐱᓇᓱᐊᖃᑎᒌᒻᒪᕆᓐᓂᑎᓐᓂᒃ ᐱᒍᓐᓇᓯᑦᓯᐊᓯᒪᔭᑦᑎᓂᓪᓗ ᑲᑐᑦᔨᓱᑕ - ᐊᑕᐅᑦᓯᑯᑦ! ᑲᖑᕐᒥᒃ ᐊᑐᐊᕐᓯᓯᐊᕆᑦ!
ᐊᑐᐊᕐᓯᕕᒃ ᑲᖒᑉ ᑐᓴᕋᑦᓴᖏᓐᓂᒃ
© 2018 - ᐃᓚᒌᓴᖓ ᑯᐊᐯᑦ ᑯᐯᒃ ᑕᕐᕋᖓᓂ
